Croeso

Mae’r Windfall Centre yn gorff elusennol. Rydym wedi ymsefydlu yn  Llandrindod yn y canolbarth, gan wasanaethu Cwm Tawe a’r gorllewin, y Bont-faen, Pen-y-Bont. Mae gan ein tîm o therapyddion brofiad ac arbenigedd ym maes iechyd a datblygiad meddyliol plant a phobl ifanc, gan gynnwys Therapi Chwarae, Seicotherapi Celf a gwaith iachaol â theuluoedd.

 

Rydym yn cynnig cefnogaeth ac asesu ymgynghorol, hefyd, ar gyfer plant a theuluoedd sy’n wynebu caledi ac i’r gweithwyr proffesiynol hynny sy’n gweithio er eu budd yng Nghymru. Rydym yn cynnig cyngor a hyfforddiant unswydd ar gyfer gwasanaethau preswyl, awdurdodau lleol, Ymddiriedolaethau GIG a chyrff gwirfoddol.

 

Mae tîm Clinigol Windfall yn darparu cymorth iachaol, hefyd, ar gyfer plant a phobl ifanc sy’n wynebu amrywiaeth eang o heriau, a all gynnwys ymddygiadau sy’n peri pryder, trafferthion ymlyniaeth a thrawma datblygiadol. Trwy waith pedwar o Therapyddion Cymdeithas Chwarae Prydain (BAPT), tri Therapydd Ffilial, dau Seicotherapydd Plant a’r Glasoed a Therapydd Celf, rydym yn gallu cynnig ystod o raglenni therapiwtig sy’n seiliedig ar dystiolaeth i ddiwallu anghenion unigol plant, pobl ifanc a'u teuluoedd.