Mae seicotherapi celf yn galluogi dulliau geiriol ac aneiriol o gyfathrebu. Gall creu delweddau helpu mynegi meddyliau a theimladau, gan for ffurf ddiriaethol i bethau y gall eu mynegi’n eiriol fod yn anodd.

​

Mae’r therapydd yn helpu’r person ifanc yn eu myfyrdodau eu hunain ynghylch eu gwaith celf. Ni fernir gallu artistaidd na thechnegol, ac ni cheisir dehongli ystyr y darlun.

Mae a wnelo’r seicotherapi celf ag annog y person ifanc i ddefnyddio celf mewn modd sy’n caniatáu hunanfynegiant a thwf personol. Bydd fframwaith man diogel a rheoledig, a chysylltiad perthynas ymddiriedol, ddatblygol â’r therapydd, yn galluogi’r person ifanc i ymwneud â’i greadigrwydd a myfyrio ar ei brofiadau mewn modd adeiladol.

​

Nid oes angen i unigolyn fod ag unrhyw brofiad blaenorol o ddefnyddio deunyddiau celf.

Gellir myfyrio ar y pryd ar ddelweddau a wneir yn ystod sesiynau, a gellir ailymweld â hwy’n ddiweddarach.

​

Defnyddir seicotherapi celf mewn amryw sefyllfaoedd ar gyfer oedolion a phlant: mewn ysbytai, darpariaeth gofal preswyl a dyddiol, y sector preifat, gwasanaethau fforensig a charchar, addysg, elusennau, gwasanaethau cymdeithasol, a gwasanaethau iechyd meddwl plant, pobl ifanc ac oedolion.

Gellir ymchwilio rhagor i broblemau ynghylch cyfyng-gyngor, diffyg hyder a hunan-barch, trawma, colled neu alar, ymdeimlad o hunaniaeth, bwlio, pryder neu straen trwy wneud delweddau lle mae mynegiant geiriol ac emosiynol yn teimlo’n rhy anodd.